В понеделник ќе се одлучува за евентуални мерки за делта-видот на корона вирусот

Делта-видот на корона вирусот веќе почнува да се шири во дел од европските земји, а тоа го вклучува алармот и на Балканот.

Запрашан за тоа, министерот за здравство Венко Филипче порача дека за евентуални мерки ќе се разговара во понеделник.

„Сите препорачани мерки се доволни, но нема план за некакво засилување. Единствено би разговарале во однос на штитењето на границите. Да се процени ризикот и дали тоа е вистинска мерка со која можеме да се заштитиме од делта-сојот“, истакна Филипче.