Утре сабајле нова лидерска средба за референдумот, изборните правила и барањето за амнестија

by Фокус 21:38
21:38

Утре со почеток во 9 часот, во Клубот на пратеници, ќе се оддржи нова лидерска средба во скратен формат меѓу лидерите на најголемите македонски и албански, владејачки и опозициски партии, Зоран Заев, Христијан Мицковски, Али Ахмети и Биљал Касами.

Тоа ќе биде нов обид лидерите на СДСМ, ВМРО-ДПМНЕ, ДУИ и БЕСА да најдат заеднички јазик околу референдумот што треба да се оддржи за договорот со Грција за името, како и за низа законски решенија поврзани со изборниот процес и други прашања.

- Advertisements -

Начелно, од СДСМ инсистираат ВМРО-ДПМНЕ да не го бојкотира референдумот, без оглед каков став ќе заземе, додека опозициската партија поставува неколку услови пред да се екипира Државната изборна комисија, како што е формирање на техничка влада пред избори и промена на моделот на финансирање.

Опозицијата на маса ја ставила и темата за неофицијална амнестија на обвинетите во случаите во СЈО преку барање за интервенција во кривичниот законик, меѓутоа од власта се категорично против тоа.

И еден од условите на ЕУ за почеток на преговори со Македенија беше ефективно да се завршат судските процеси каде обвинети се високи функционери од претходната власт.

Поврзани новости