Во текот на утрешниот ден ќе биде познато дали ќе им се суди на обвинетите за насилството што се случи на 27 април 2017 година, во Собранието. Од Кривичниот суд информираат дека денеска била оддржана седница за оцена на обвинителниот акт, а утре ќе биде позната одлуката.
Доколку обвинението добие позитивна оценка, тоа значи дека набрзо ќе се закаже и рочиште, по што обвинетите за тероризам ќе седнат на обвинителна клупа. Сепак Советот за оцена има право и да го врати обвинението на доработка, или да го отфрли.
За настаните на 27 април обвинети се 30 лица за тероризам и загрозување на уставниот порредок. Меѓу нив се и петте пратеници на ВМРО – ДПМНЕ, Крсто Мукоски, Љубен Аранудов, Јохан Тарчуловски, Сашо Василевски и Љупчо Димовски. Обвиент е и екс директорот на Бирото за јавна безбедност, Митко Чавков. Иако обвинението е во фаза на решавање дали ќе има судење, обвинителството се уште истражува кој го нарача насилниот упад во Собранието. Во документот кој до судот е доставен на 27 март годинава, нема нарачател. Стои само дека во организацијата на протестите главна улога имал Александар Василевски – Нинџа.