Урсула Фон дер Лајен утре ќе се обрати во Собранието, пред да започне седницата

Претседателката на Европската комисија, Урсула Фон дер Лајен утре ќе пристигне во посета на Скопје. Таа ќе има средби со државниот врв, а ќе се обрати и во Собранието пред почетокот на седницата на која ќе се разгледува францускиот предлог.

Од Владата соопштија дека претседателката на Европската комисија утре напладне ќе има тет-а-тет средба со премиерот Димитар Ковачевски, а планирана е и билатерална средба.

Претходно фон дер Лајен ќе има средба и со претседателот на државата Стево Пендаровски.