Унитети ги оспори предвремените избори пред Уставен суд

Унитети, партија составена од членови кои го напуштија ДУИ, денеска поднесе Иницијатива до Уставниот суд со која се оспорува Решението за предвремени парламентарни избори поради неизбалансираност на изборните единици.

-Со ова решение се кршат и норми од Изборниот законик. Со ова, изборите се антиуставни и незаконски, рече пратеникот на Унитети, Зуљфи Адиљи кој ја поднесе Иницијативата до Уставниот суд.

Сепак, Унитети ќе учествува на изборите, а како што објаснија, целта на Иницијативата е да докаже дека оваа Влада на ВМРО-ДПМНЕ и на ДУИ уште еднаш го крши Уставот и Изборниот законик, со тоа што оставија намерно така во Шестата изборна единица да има огромни отстапувања во бројот на гласачите.