Тунтев разочаран од ВМРО-ДПМНЕ: Поразително е што таква голема партија бара изговор да се врати во Собрание

by fokus 12:59
12:59

Координаторот на владејачката СДСМ Томислав Тунтев рече дека е поразително за една голема политичка партија како ВМРО-ДПМНЕ да бара изговор како што е интерпелацијата и да најде погрешен начин за да се врати во работата на Собранието.

– Ако ова е големата врата за враќање на ВМРО-ДПМНЕ во Собранието, тогаш навистина сме малку разочарани. Барањето е сосема легитимно и всушност нам ни отвора простор да ги реафирмираме сите позитивни политики на оваа Влада во последните 10 месеци, рече Тунтев.

- Advertisements -

Според него, пратениците од владејачките партии на утрешната седница ќе ја потсетат опозицијата на, како што кажа, криминалното владеење на ВМРО-ДПМНЕ во последните 10 години, зошто оваа држава се наоѓа на ова дереџе, а исто така ќе потсетат дека во овие 10 месеци Владата на Република Македонија ги презела сите активности за да ги отстрани и ублажи погубните политики што години наназад ги воделе поранешните влади.

Претседателот на Собранието Талат Џафери седницата за доверба на Владата на барање на ВМРО-ДПМНЕ претпладнево ја закажа за утре во 11 часот. Сите активности во Парламентот денеска се одложени. Дел од седниците се префрлени за во четврток, тоа се главно со реформски закони, а другите активности делумно поради исказот што во Судот го дава Џафери во врска со настаните поврзани со насилствата од 27 април минатата година.

Поврзани новости