Туфегџиќ: Амандманите најдени во канта веројатно се копии, нема потреба од ширење на параноја

by fokus

Опозицијата има право да користи парламентарни механизми за да покаже несогласување со одреден закон, ама ширење на лажни вести, параноја и тензија не помага баш за јавноста да увиди оправданост или неоправданост на нивните постапки во Парламентот, а и воопшто за работењето на Парламентот, напиша на фејсбук пратеничката од СДСМ, Ивана Туфегџиќ.

Таа реагира на информацијата дека дел од амандманите кои ги поднесоа пратеницитеа од ВМРО-ДПМНЕ, биле фрлени во контејнер.

-Амандманите најдени во канта се гледа дека се уредно заведени, веројатно се работи за копии, ама ваквото ширење на вести, не знам поради која причина, најпрвин е непочитување спрема собраниските служби кои цел викенд се на работа за да ги процесираат сите амандмани.
Потребна е барем минимум одговорност кај сите страни и во Собранието и надвор од него, а и максимална почит спрема службите наместо нивно злоупотребување во ширење политичка параноја, напиша Туфегџиќ.

Поврзани новости