ЦРМ: Новинари не запоставувајте го јавниот интерес во известувањето за случајот „Пуч“

by Фокус 18:43
18:43

Центарот за развој на медиуми (ЦРМ) ги повика новинарите да не го запостават јавниот интерес во известувањето за случајот „Пуч“ и ги потсети дека новинарите не се одговорни за начинот на кој нивните извори ги добиле податоците, вклучително и податоци што произлегуваат од неовластено следење на комуникациите.

-Директивата за заштита на индивидуата во однос на обработката на лични податоци и слободата на движење на таквите податоци на Европскиот Парламент и на Советот на ЕУ (95/46/ЕЦ) ги опфаќа, во дефиницијата за лични податоци, и видео и аудио снимките собрани со тајно снимање (тн. „undercover“), но на земјите членки им наложува, во Член 9 од Директивата, во националните законодавства да обезбедат исклучоци или ослободување на новинарите од одредбите на Директивата што се однесуваат на процесирањето на лични податоци, информираат од ЦРМ.

- Advertisements -
Banner Renault 300x250

Понатаму во соопштението на ЦРМ се вели дека праксата на Европскиот суд за човекови права ги ослободува новинарите од одговорност за објавување тајни или лични податоци и информации, доколку новинарите во добивањето на информациите не прекршиле некој закон или правило.

За крај во соопштението на ЦРМ стои дека новинарите треба да се придржуваат објективност и почитување на приватноста на други лица, но не по цена на запоставување на јавниот интерес.

Поврзани новости