Царовска на средба со родителите на децата што бојкотираат настава поради дигитализацијата

by Фокус 21:57
21:57

Драгана Спасевска, воспитувач и организатор на бојкотот во име на сите родители против дигитализацијата во образованието кои дејствуваат преку фејсбук групата „Учебници и настава мора да има“, соопшти дека е договорена работна средба меѓу родителите и МОН за законот за учебници.

„Денес надлежните од Министерство за образование и наука се обратија до мене како овластен претставник на иницијативата и договорена е работна средба на актуелната тема, односно измените во Законот. Работната средба е закажана на 06 Мај 2021 (Четврток), со почеток во 12:00 часот во просториите на Министерството. Известени сме дека на работната средба ќе присуствуваме ние и дел од стручниот тим кој работел на новиот предлог закон за образование“, напиша Спасевска.

- Advertisements -

Таа додава дека заклучоците од средбата ќе бидат објавени на прес конференција пред Министерството, веднаш по завршувањето на работната средба.

„Бојкот на наставата како форма на незадоволство од работењето и постапките на Министерството, останува како официјален став на групата и продолжува се до завршувањето на работната средба, а за следните чекори јавноста ќе ја информираме преку медиумите и јавните гласила“, порача Спасевска.

Поврзани новости