486
Тројца граѓани се обвинети во Велес дека го прекршиле полицискиот час, односно не ја почитувале Одлуката на Владата со која се забранува движење на населението на територијата на државата во одредени временски периоди, за што Јавното обвинителство побара парични казни.
-Заради стореното кривично дело – Непостапување според здравствени прописи за време на епидемија од член 206 став 1 од Кривичниот законик, Основното јавно обвинителство Велес денеска до Основниот суд Велес поднесе предлози за издавање на казнени налози против тројцата обвинети и предложи да им се изречат парични казни во висина од по 40 дневни глоби, секоја глоба во износ од по 20 евра во денарска противвредност, информираат од Обвинителството.