Тројца млади лица преживеале 198 часа под урнатините во Турција

Турските медиуми јавуваат дека три чуда се случиле во 198. часa, односно деветтиот ден по земјотресот.

Тројца млади момчиња поминале девет дена под урнатините и биле извлечени живи. Станува збор за 17-годишниот Мухамед Енес и неговиот постар брат, кои беа спасени во градот Кахраманмараш и 18-годишниот Мухамед Чафер Четин, кој беше спасен во градот Адијаман.

Сите се пренесени во болница и засега нема нови информации за нивната состојба.

Поради последиците од разорните земјотреси што пред една недела ја погодија турско-сириската граница, 1,2 милиони луѓе останаа без покрив над главата во југоисточниот дел на Турција, соопшти во понеделникот кабинетот на турскиот претседател.