Теренската контрола на Државниот пазарен инспекторат донесе нови шокантни сознанија за состојбата на кабареата и дискотеките во Македонија.
– Последните инспекции потврдија сериозни регулаторни прекршувања. Од вчера направената контрола на 12 активни објекти со активна важечка лиценца, три од нив не ги исполнуваат минималните технички услови, а сепак имале активна лиценца за вршење дејност.
За останатите девет е во тек проверка на документацијата. Веднаш до министерството за економија ќе се испрати барање за одземање на лиценцата и забрана за вршење дејност.
На терен се над 10 тимови кои вршат контрола, ќе се проверат сите до детал. Сакам да информирам дека имаме и план за оние кои немаат важечка лиценца, а работеле во минатото.
Она што се случи во Кочани не е само изолирана трагедија. Тоа е симптом на расипан систем наследен од долгогодишна корупција – истакна портпаролот на Владата, Марија Митева.
O.K.