Почина пранешен функционер на ВМРО-ДПМНЕ избоден со нож од својот син

by fokus 10:39
10:39

Крвава семејна драма се случила синоќа во скопската населба Црниче каде син до смрт го избодел со нож својот татко. Сосеtка од улицата „Чедоми Каратџиев“ пријавила во полиција околу 22.15 часот дека соседи се степале и барале помош.

Неофицијално избодениот татко е поранешен претседател на ОК на ВМРО-ДПМНЕ во Кисела Вода, со иницијали Љ. Т, кој наводно бил директор на фабрика.

Кога пристигнала полицијата го пронашла 68-годишниот скопјанец на прагот од дневната соба со убодни рани од нож и констатирала смрт. Сведок на настанот била сопругата. Според нејзиното сведоштво седела со сопругот во дневната, кога дошол синот, ја скршил влезната врата и ја избркал неа, а потоа го нападнал својот татко.

- Advertising -

Од Министерството за внатрешни работи велат дека 41-годишниот син ја напуштил куќата веднаш по убиството. Подоцна се пријавиле во Ургентен центар барајќи лекарска помош затоа што имал расекотина на десната рака.

Синот е синоќа приведен и задржан во полициската станица во Кисела Вода. Најверојатно има дијагноза на психичко растројство.

Од МВР велат дека обвинител е запознаен со случајот и дека телото е предадено на обдукција.

Поврзани новости