Трајковски си заминува, во УЈП ќе има нов директор

by Фокус

На местото на првиот даночник Горан Трајковски, во Управата за јавни приходи ќе седне нов директор. Конкурсот за директорската позиција веќе е објавен, а четиригодишниот мандат на Трајковски е истечен, објавува ПлусИнфо.

Во Законот за Управата за јавни приходи е наведено дека на директорот му престанува мандатот со истек на мандатот, но не е прецизирано дали тој пак може да се кандидира за нов директор. Според информациите, и ако постои таква можност, мала веројатност е дека Трајковски пак би бил директор на УЈП.

Според Законот за управата за јавни приходи, директор и заменик директорот ги именува Владата на предлог на министерот за финансии. Но сепак, за именување на директор и заменик директор се објавува јавен оглас во три дневни весници. Досегашната пракса покажува дека огласот е само формалност, а дека директорските позиции се кројат со многу партиски пазарења и надмудрувања.

Поврзани новости