Трајко Славески нов идеолог на ВМРО-ДПМНЕ

by fokus 14:54
14:54

На вчерашната седница на Извршниот Комитет на ВМРО-ДПМНЕ беше составена комисија за изработка и систематизација на идеи и предлози за програма која ќе ја предводи проф-др Трајко Славевски. Комисијата составена од професионалци и луѓе докажани во своите области ќе имаат за задача да ги систематизираат идеите и предлозите на граѓаните прибрани од непосредните средби со граѓани, преку теренските посети и активностите од „Летото за Македонија“ кое продолжува со несмален интензитет, велат од партијата.

„Воедно, комисијата ќе отпочне консултации и со професори, експерти и докажани професионалци од повеќе области, како и преставници на целни групи се со цел да се изработи програма која ќе биде освежен и реален одговор на потребите на граѓаните. Ќе бидат вклучени и комисиите на ВМРО-ДПМНЕ кои се составени од експерти од различните области.  ВМРО-ДПМНЕ свесна за деликатноста и тешката позиција во која се наоѓа нашата држава, незадоволството на граѓаните и напластените проблеми ќе понуди решенија кои ќе бидат излез од слепата улица во која власта ја турка нашата држава“, соопштија од таму.

- Advertisements -

Како што велат од ВМРО-ДПМНЕ програмата ќе биде со прецизни рокови и динамика на реализација и ќе понуди излез од напластените проблеми на граѓаните.

„Тоа ќе биде документ со кој ВМРО-ДПМНЕ ќе се обврзе да ја избави државата од општествено, политичко економска криза во која се наоѓаме и пред се да се даде фокусот кон решавање на економските проблеми на граѓаните“, посочуваат од партијата.

На седницата на Извршниот комитет беа именувани потпретседателот на ВМРО-ДПМНЕ, Владо Мисајловски за координатор на сите градоначалници од ВМРО-ДПМНЕ на територија на Република Македонија, како и членот на Извршниот комитет, Владимир Нелоски за координатор на сите советнички групи на ВМРО-ДПМНЕ кои се дел од советите на општините.

Воедно беа именувани и повеќе претседатели на општински комитети:

Александар Ѓорѓиевски за претседател на ОК Илинден на ВМРО-ДПМНЕ

Марјан Миленковски за претседател на ОК Пробиштип на ВМРО-ДПМНЕ,

Зоран Здравевски за претседател на ОК Чашка на ВМРО-ДПМНЕ,

Никола Зисов за претседател на ОК Крушево на ВМРО-ДПМНЕ,

Никола Најдовски за претседател на ОК Демир Хисар на ВМРО-ДПМНЕ,

Ванче Спиров за претседател на ОК Кратово на ВМРО-ДПМНЕ,

Саше Брде за претседател на ОК Дебарца на ВМРО-ДПМНЕ.

Извршниот Комитет ги именуваше Сребре Марковски и Марјанчо Паноски за членови на Централниот Комитет на ВМРО-ДПМНЕ.

Поврзани новости