Тимоние: Ратификација на Истанбулската конвенција за справување со семејно насилство

by fokus 12:16
12:16

Францускиот амбасадор Кристиан Тимоние вчеравечер приреди прием за собирање донации за Организацијата за жени на Град Скопје во француската резиденција.

Според Тимоние, насилството врз жените и семејното насилство е сериозен проблем и потребен е политички ангажман во справување со него. Тој изјави дека чекор во вистинска насока би било ратификувањето на Истанбулската конвенција, која има нулта толеранција кон ова насилство.

- Advertisements -

„Република Македонија ја потпиша оваа конвенција донесена во 2011та година, но се уште не ја ратификува. Бројот на жртви на семејно насилство кои бараат засолниште е се поголем. Тие бараат засолниште во Шелтер центарот каде работат исклучиво стручни лица и се надевам дека овој пример ќе поттикне и други кои ќе не поддржат во нашата работа“, изјави претседателката на ОЖС, Тонка Дилевска.

Таа додаде дека очекува соработка со новата министерка за труд и социјална политика, со што ќе се овозможи примена на конвенцијата.

Поврзани новости