Тевдовски: Поддршката на растот на фирмите ќе ја придвижи економијата

by fokus 13:14
13:14
Растот на економијата ќе се придвижи со владината мерка за поддршка за раст на фирмите во трудоинтензивните сектори, која заедно со клучната мерка за зголемување на минималната плата ќе ја забрза  македонската економија, смета министерот за финансии, Драган Тевдовски кој денеска ја посети кумановската текстилна компанија „Галатекс“.
Министерот нагласи дека главен приоритет на Владата е подигање на животниот стандард, за што е потребно платите да растат. Тој потсети на зголемувањето на минималната плата, со чија примена, посочи, се исправила неправдата кон работниците од текстилната и кожарската индустрија.

– Со зголемувањето на минималната плата од септември, податоците од јануари и февруари 2018, покажуваат дека просечната плата во Македонија е порасната за 4,6 проценти во однос на истиот период од лани, изјави министерот Тевдовски.

Според него, ова е недоволно и потребно е да се преземат и други мерки за да се овозможи платите да растат, потенцирајќи дека со поддршка на компаниите за зголемување на платите во трудоинтензивните сектори ќе се забрза економијата. Со оваа мерка е предвидено да се опфатат околу 50.000 работници во 15.000 компании.

- Advertisements -

– Тука зборуваме за поддршка за раст на платите во трудоинтензивните сектори, за работниците во овие сектори кои ќе добијат зголемување на платите во однос на последниот квартал 2017-та година, државата ќе покрие 30 проценти од растот на бруто платата. Мерката ќе важи за работниците кои што имале плати во нето до 18.000 денари, како просек во последниот квартал на 2017 година. Во буџетот веќе се предвидени околу 360 милиони денари, за да може годинава фирмите да добиваат поддршка. Поддршката ќе се добива по исплатена плата на работниците, рече министерот Тевдовски.

Со воведувањето на оваа мерка, ќе се зголеми продуктивноста. Министерот очекува и мерки за компаниите за вложување во нова опрема и машини.

Одговарајќи на новинарски прашања кога се очекуваат севкупни вложувања, со цел, зголемување на продуктивноста, министерот за финансии рече дека очекува оваа мерка да започне да се применува  наскоро.

Тој додаде за помалку од еден месец ќе достават информација до Владата и кога ќе помине, фирмите ќе можат да ја користат и да ги зголемат платите на работниците во трудоинтензивните дејности.

Што се однесува до преговорите за избор на гувернер и дали очекува уште еден мандат за досегашниот,  одговарајќи на новинарски прашања, министерот Тевдовски смета дека е клучно фискалната и монтераната политика да бидат независни и дека станува збор прашање пред се на Собранието и на парламентарното мнозинство.

Поврзани новости