Новиот градоначалник на Гостивар, Арбен Таравари кој во моментот се уште ја извршува министерската функција во секторот здравство во изјава за „Фокус“ вели дека сега ќе види каква е процедурата и ќе си поднесе оставка од министерското место.
– Утре ќе дојдам во министерството за здравство и ќе видам каква е процедурата и кои се роковите за да си поднесам оставка. Јас морав да се кандидирам за градоначалник на Гостивар бидејќи друг не можеше да победи. Сега ќе почнеме веднаш со работа, а прва работа што ќе ја направам е граѓаните да добијат чиста вода – истакна Таравари.
На нашето прашање, кој ќе го замени на министерското столче, Таравари истакна дека тоа ќе биде од нивната партија, но се уште не преговарале за имиња и не знае кој ќе биде нов министер за здравство.