На вечерашните протести во Битола, демонстрантите на влезот на општината поставија кукла со маска од градоначалникот Владимир Талески порачувајќи му дека ќе заврши зад решетки.
Куклата која носи пелена и има врзан сапун околу вратот, битолчани ја закачија на оштинската ограда и скандираа „Готов си за в затвор!
Граѓаните му порачаа на битолскиот градоначалник дека нема да дозволат да се извлече со аболиција, и бараат да одговара за криминалите за кои го сомничи Специјалното јавно обвинителство.
Тие и денеска во голем број излегоа на протест и побараа оставка на градоначалникот Владимир Талевски и поништување на аболицијата од претседателот Ѓорге Иванов.
Демонстрантите, плоштадот „Магнолија“ го преименуваа во плоштад „Шарена револуција“, а потоа упатија барање, по одлуката на Уставниот суд за сопирање на изборната кампања, следниот чекор да биде укинување на аболицијата и затвор за криминалците од врхушката на власт.