адеми

Денеска се одржа првата средба меѓу работните групи составени од претставници од Студентскиот и Професорскиот пленум, како и претставници на Министерството за образование и наука и Сенатот на УКИМ.

Во моментов, заседава Студентскиот пленум и се очекува наскоро од таму да излезат со сопштение во кое ќе се изјаснат дали се задоволни од договореното. Останува отворено и прашањето дали окупацијата на факултетите ќе продолжи.

Пред еден час заврши четиричасовната средба меѓу ректорот Стојковски, претставниците на Владата и Студентскиот пленум, а ректорот наместо изјава за новинарите, испрати кусо соопштение.

Министерот за образование и наука, Абдулаќим Адеми изјави дека не ја разбира реакцијата на студентите кои прогласија автономна зона на неколку факултети од Универзитетот „Св. Кирил и Методиј“. Според него, тие имаат право да протестираат, но не би требало тоа да го прават на овој начин.

„Фокус“ контактираше и со министерот за образование и наука, Абдулаќим Адеми. Тој тврди дека тие не можат да им влијаат на универзитетите бидејќи тие се автономни институции, но сепак, мора да постапат по решението на Државниот просветен инспекторат.