Symphony пристигна: Погледнете ја канцеларијата во Скопје во која би сакале да работите

by Fokus 12:21
12:21

Меѓународната ИТ компанија Symphony, со канцеларии кои се протегаат од Сан Франциско, Амстердам, Берлин, па сè до Сараево, Белград и Нови Сад, минатата недела  официјално ја отвори својата канцеларија и во Скопје. Во пространа работна површина лоцирана на горниот кат на центарот Соравија, Symphony носи возбудливи проекти и уникатна култура во Скопје.

За време на забавата што се одржа во нивната канцеларија во Соравија, а по повод отворањето, Харис Мемиќ, извршен директор и основач на Symphony го сподели своето видување и големите планови за Symphony во иднина: „Ова е само почеток, допрва следува најдоброто од Symphony. Ова е едно прекрасно искуство и навистина сме нетрпеливи да видиме како овие луѓе професионално се развиваат со нас. Во нашиот случај, единствениот начин да се успее е да бидеме опкружени со добри и мотивирани луѓе. Тоа се луѓето кои веруваат во она што го правиме и луѓето кои ќе ни помогнат да направиме разлика тука. И тоа е она што навистина го очекуваме – да ги запознаеме и да им посакаме добредојде во нашата заедница.“

- Advertisements -

Игор Николовски од Symphony Скопје го сподели својот ентузијазам и возбуда поради тоа што конечно можеше да им посака добредојде на сите во новата канцеларија: „Навистина сме среќни што со многумина од вас вечерва го прославивме првиот и најголем чекор на Symphony Скопје. Сигурни сме дека ќе славиме многу други достигнувања во иднина, но ова е навистина посебно за сите нас. Да наздравиме за Скопје и за неверојатното добредојде што го имавме со сите од вас.“

Бизнис хабовите на Symphony во Сан Франциско, Амстердам и Берлин се одговорни за носење на предизвикувачки и интересни проекти за заедниците во Сараево, Белград, Нови Сад и Скопје. Она што од Symphony го потенцираат е фактот дека нивните инженери секогаш се во потрага по проекти кои им помагаат на луѓето и ги подобруваат нивните животи, како и предизвикот од технички аспект.Дел од многуте проекти на кои тие работат се промена на приватната авионска индустрија со оптимизирање на распоредот и обезбедување на зголемен пристап до непрекинати дестинации и недоволно опслужени локации по најдобра можна цена, како и развој на напредни алгоритми во здравствената индустрија кои ја револуционизираат дијагностиката и процесите на лекување.

Нивната мисија е да обезбедат здрава и инспиративна работна средина за членовите на нивниот тим. Силно верувајќи дека среќните и задоволни луѓе се во можност да постигнат речиси сè, тие секојдневно ја негуваат тимската работа во друштво на свежо зготвеното јадење подготвено од „Симфонискиот готвач“, со посети на други хабови на Symphony и клиенти, и со фокусирање на индивидуалните потреби на секој вработен без разлика дали е тоа тренинг, медитација, масажа, кодирање, спорт, патување, доживотно учење или нешто друго – сите тие имаат можност да работат на тоа овде, во Symphony.

Повеќе информации за Symphony може да најдете тука.

Поврзани новости