Судовите намалија плата, синдикатот формира солидарен фонд

by Фокус 11:43
11:43

Откако се реализираше наредбата за исплата на намалена плата за 40 отсто на судските административци кои штрајкуваа, Синдикатот на вработени во управата, правосудните органи и здруженијата на граѓани (УПОЗ) и Здружението на судската администрација (ЗСА) најавија кривични пријави за претседателите на судовите и формирање на солидарен фонд за помош на штрајкувачите.

„Со цел Синдикатот на УПОЗ и ЗСА да ги заштитат штрајкувачите од понеделник против претседателите на судовите кои издадоа наредба за кратење на платата ќе поднесат кривични пријави, а во најскоро време и штрајкувачите ќе поднесат поединечни граѓански тужби за надомест на разликата во исплатените плати“ стои во соопштението.

Синдикатот на УПОЗ и ЗСА ќе формираат солидарен фонд за штрајкувачите, а парите кои ќе се соберат во фондот ќе бидат наменети за помош на судската администрација која штрајкуваше против ниските плати.

Поврзани новости