Студентскиот парламент минатата година потрошил повеќе од два ипол милиони денари

by fokus

Студентскиот пленум на денешната прес конференција го објави финансискиот извештај на Студентскиот парламент за периодот од септември 2014 до септевмри 2015 година. Парламентот потрошил 2 650 000 денари, од кои 136 676 денари биле потрошени за веде претседателот Кирил Спировски, чиј мандат во тој период е истечен.

Плата земал и потпретседателот, за што во статутот на Студентскиот парламент не постои таква функција, објаснуваат од Студентскиот пленум.

-Во документите од Централен регистар, кои ги поднесовме до Ректорат и до јавноста, јасно се гледа дека Кирил Спироски воопшто не бил именуван за претседател тој период, а притоа земал плата, рече Теодора Столевска од Пленумот.

Таа посочи дека огромна сума била потрошена за забави, за кои била ангажирана приватна компанија, што според неа е некоректно со оглед на тоа дека добар дел од студентите немаат основни услови за живот и хигиена во студентските домови.

 

Поврзани новости