Студентите во петок во 14 часот повторно на протести

by Fokus 10:33
10:33

Студентите во петок во 14 часот повторно ќе го кренат својот глас против државниот испит, најавувајќи уште помасовен протест.

– Изгледа дека она што владата го подразбира под „јавна расправа“ е (консензуален) разговор на министрите и премиерот пред камери. Покрај сите “јавни дебати”, свесно прекршување на законите, како и целосното игнорирање на Студентскиот Пленум како и на самите универзитети, ние не се откажуваме! Драги граѓани, студенти, професори, родители, средношколци, професори и пензионери да не дозволиме овој монолог на владата да продолжи!, повикуваат студентите.

- Advertising -

Тие ги повикаа сите граѓани да излезат на улица, за да како што велат, си го вратат образованието назад.

-Ова е моментот кога треба да искажеме револт не само поради лошите реформи, туку и затоа што сопствената држава без срам не игнорира, дрско ни се потсмева, невешто не заокружува. Затоа во петок, сите на протест!  Помасовно, побунтовно и покреативно, затоа што сите заедно сме посилни – се вели во соппштението на Студентскиот пленум.

 

Поврзани новости