Стразбур пресуди во полза на лустрираниот Ивановски

by Фокус 11:45
11:45

Во денешната објавена пресуда на Европскиот суд за човекови права се утврдува дека во случајот на лустрираниот судија Ивановски постои повреда на членот 6 и членот 8 од Европската конвенција за човекови права, пренесе порталот Академик.

Трендафил Ивановски до Европскиот суд за човекови права се жалел дека лустрациските постапки не биле фер и дека му биле нарушени неговиот углед и достоинство.

- Advertising -

Понатаму, Ивановски се жалел дека во постапките немало еднаквост на оружјата, немал доволно време да ги  подготви аргументите, како  и  дека не му бил овозможен пристап до досиејата.

Во однос на наводите на Ивановски, Европскиот суд за човекови права смета дека постоела повреда на членот 6 и членот 8 од Европската конвенција за човекови права, пресудувајќи дека лустрациските постапки не биле фер и дека му било нарушен угледот и достоинството на Ивановски. Според пресудата, државата на Ивановски треба да му исплати отштета од 5, 350 евра.

-Не ми е битна паричната надокнада туку ми е битно дека случајот е добиен и дека една неправда е исправена. Важно е дека по 5,5 години една борба е завршена и како Давид успеав да го совладам Голијат. Врвот на шилото, како што рече премиерот Груевски еве сега излезе на виделина дека мене образот ми е чист, а дали нему му е чист ќе видиме,  изјавил Ивановски за НОВА.

Поврзани новости