375
Европскиот суд за човекови права во Стразбур донесе пресуда државата да им плати оштета од по 4.000 евра на пет македонски судии плус надомест за судски трошоци. Станува збор за судиите Снежана Геровска Попчевска, Гоце Јаксовски, Мирослав Трифуновски, Иво Поповски и Виолета Дума.
Сите судии пред европскиот суд се пожалиле дека за нивното разрешување немало фер сослушување, им биле прекршени основните човекови права и имало влијание на судската во извршната власт.
Според пресудата, во случајот со разрешувањето на судиите имало мешање на надлежности на тогашниот министер за правда Михајло Маневски кој е и подносител на барањето за разрешување.