Стопанска комора: Влезот во НАТО отвора големи перспективи за македонската економија

by Fokus

Стопанската комора го поздравувавлезот на земјава во НАТО, нагласувајќи дека е остварена нашата повеќедецениска стратегиска цел, со што, освен од безбедносен аспект, ни се отвораат големи перспективи и од економски аспект.

„Нашата земја и формално стана членка на НАТО. Тоа е голем ден за македонската држава и важен момент во нашата историја. Остварена е повеќедецениската стратегиска цел за која низ годините анкетите постојано покажуваа многу висока поддршка од граѓаните. Влезот во НАТО е значајна придобивка за една земја. Придобивката е уште поголема кога земјата е мала и има многу ограничени ресурси за самостојно развивање на капацитетите на одбраната. Притоа, стабилизирањето на безбедносната ситуација на земјата создава услови и за поширок развој на самото општество, демократијата. Но, влезот во НАТО отвора и значајни перспективи на економски план. Во моментов сите сме преокупирани со коронавирус кризата, но таа во еден момент ќе помине и тогаш ќе почнат да се материјализираат придобивките и за македонската економија“, – вели Јовановски.

Според него, за земја како нашата, која е мала и не е богата, отстранувањето на безбедносниот ризик е важна работа. Тоа ќе овозможи да се зацврсти перцепцијата за македонската економија како атрактивна дестинација за нови странски директни инвестиции и за поголеми домашни инвестиции.

За цената на позајмувањето. Со перцепцијата за намален ризик на земјата, барем во делот на безбедносниот ризик, ако се друго е непроменето, се намалува и цената по која земјата позајмува на меѓународните пазари на капитал. Ова значи можност за обезбедување поевтино финансирање на капиталните инвестиции на државата во иднина. За можностите за извоз, пак, влезот во НАТО значи и можност за македонските компании да продадат свои производи за задоволување на дел од потребите на НАТО. За своите набавки НАТО има посебна интернет-страница. Таму стои дека компаниите што сакаат да бидат добавувачи на НАТО мора да се основани во земји членки на НАТО. Македонските компании сега веќе влегуваат во оваа група и за нив ќе се отворат нови перспективи во иднина“, – истакнува Јовановски.

Поврзани новости