Столтенберг збесна: Косовската војска е формирана во погрешно време

Генералниот секретар на НАТО, Јенс Столтенберг, денеска рече дека жали што косовскиот Парламент донел одлука за трансформација на косовските безбедносни сили и покрај загриженоста од Алијансата.

„И покрај тоа дека транзицијата на косовските безбедносни сили во принцип е работа за која одлучува Косово, ние јасно ставивме до знаење дека тој потег доаѓа во погрешно време. Со промената на мандатот, Северноатланскиот совет сега ќе мора да изврши проценка на степенот на соработка помеѓу НАТО и КБС“, рече Столтенберг.