Средношколски пленум: Дали ова е екстерното тестирање што ни го ветуваше Адеми?

Средношколскиот пленум денеска излезе со реакција за се што се случуваше овие неколку денови, додека учениците го полагаат екстерното тестирање. Тие наброија многу нелогичности и нерегуларности со кои се соочиле средношколците.

-Сакаме да го прашаме министерот Абдулаќим Адеми уште еднаш дали екстерното тестирање треба вака да изгледа и дали е ова екстерното тестирање кое тој ни го ветуваше на нас и на целокупната јавност во Македонија. Она екстерно тестирање на кое нема да има нерегуларности и пропусти. Дали барем малку не му е срам поради некои негови и грешки на министерството за со тоа учениците да бидат оштетени и деградирани – истакна Александар Милевски од Средношколскиот пленум.