Србија нема да ги признае референдумите во Украина под контрола на руските власти, изјави Вучиќ

by Fokus

Србија не може и нема да ја признае очекуваната одлука на рускиот парламент да ги прифати териториите на Украина каде се одржаа референдуми за присоединување кон Русија, изјави во средата српскиот претседател Александар Вучиќ.

„Ние го штитиме сопствениот територијален интегритет и во наш најдобар интерес е да го заштитиме територијалниот интегритет на меѓународно признатите земји. Тоа е единственото нешто што секако не може да се промени, овие работи се од клучно значење за нас“, им изјави Вучиќ на новинарите по церемонијата на отворање на данска фабрика во војводинскиот град Инѓија.

Тој повтори дека Србија нема да ги признае референдумите одржани на украинските територии под контрола на руските цивилно-воени власти, окупирани по инвазијата што започна во февруари.

На тој начин Србија „го штити својот интегритет“, рече Вучиќ, тврдејќи дека „најпаметно е Србија да го почитува туѓиот територијален интегритет, бидејќи повеќе нема да има став“ во однос на Косово, чија независност беше прогласена во 2008 година.

Тој нагласи дека е многу заинтересиран како (Брисел) ќе ја покрене процедурата за прием на Косово во Советот на Европа по одлуката за припојување на четири украински региони кон Русија по референдумот.

Поврзани новости