Спречен обид за насилен влез во касарната „Гоце Делчев“: Едно лице рането во нога

by fokus 10:36
10:36

Изутринава во 02.53 часот е спречен обид за насилен влез во кругот на касарната „Гоце Делчев“ во Скопје.

Војникот што бил на стража постапувајќи според пропишаните процедури и постапки повеќе пати вербално го предупредил лицето, но откако се оглушило на предупредувањата, стражарот испукал два предупредувачки истрели во воздух.

- Advertisements -

Лицето и понатаму се оглушувало на предупредувањата при што со еден од истрелите бил погоден во петата на десната нога. Согласно процедурите му била пружена прва помош и бил транспортиран во болница. Веднаш се известени надлежните истражни органи.

Воена полиција, МВР и јавен обвинител излегле на местото на настанот. Сите релевантни информации и докази за настанот се предадени на надлежните органи кои работат на расчистување на случајот.

Поврзани новости