Мила Царовска и СДСМ упропастија цела една генерација на деца кои изминатава година не можеа целосно да ја следат наставата. Сега се на пат да упропастат уште десетина генерации со насилната „дигитализација“, велат од ВМРО-ДПМНЕ.
„Царовска се грижи само за сопствениот џеб и затоа турка проект од над 120 милиона евра, кој самата си го нарекува дигитализација, а всушност претставува само дигитални учебници, но не и комплетна дигитализација. За вистинска дигитализација оваа влада нема ниту знаење, а ниту време до почетокот на учебната година.
Под наводната дигитализација всушност се крие желбата за менување на содржините на учебниците, што СДСМ си зема како обврска од Комисијата со Бугарија.
Царовска буквално спроведува агенда на Заев, наместо да работи во корист и за децата. Токму затоа како со глава во ѕид спротивно на волјата на учениците сакаше да спроведе матура во пандемиска година, сака да ги менува учебниците и истите и да ги укине.
Кога Царовска зборува, Заев мисли, а зад тоа се крие укинување на учебниците. Време е да се стави крај на лошите политики во образованието. Време е за Македонија за сите луѓе“, додаваат од опозицијата.