Спасовски ги прими кандидатите за полициски службеници кои штрајкуваат

by fokus 14:18
14:18

Министерот за внатрешни работи, Оливер Спасовски, денеска ги прими на средба  претставниците на 34 кандидати за полициски службеници кои ја поминаа соодветната обука во класата 2015/16, но не се ангажирани во МВР и поради тоа денеска одржаа штрајк пред Министерството.

-Уште еднаш ќе го доставам барањето до Министерството за финансии, а ќе доставам барање и за 54 кандидати од последната обука, кои исто така не се ангажирани. Веднаш штом добиеме согласност од министерот за финансии, ќе бидете ангажирани, рекол министерот Спасовски.

- Advertisements -

Како што соопшти МВР, Спасовски им соопштил дека целосно стои зад нивните барања и оти ја имаат неговата поддршка за ангажирање во МВР, но, потенцирал, за тоа да се реализира потребна е согласност и од Министерството за финансии.

Поврзани новости