Спасовски ги повика граѓаните да пријават доколку некој им се заканува да не излезат на референдумот

by fokus 18:07
18:07

Ова е историски миг за нашата држава. Апелирам ако кој било се заканува на кој било граѓанин да не излегува на референдум, граѓаните тоа да го пријават во најблиската полициска станица, изјави денеска министерот за внатрешни работи Оливер Спасовски за време на посетата на скопската општина Бутел.

Министерот Спасовски, како што се наведува во соопштението, исто така посочи дека МВР ги презема сите неопходни мерки за претстојните посети на високи странски делегации, а самите посети се доказ за поддршката што Република Македонија ја има од меѓународната заедница.

- Advertisements -

Според министерот за внатрешни работи полициската станица што се наоѓа на територијата на општина Бутел има значителни позитивни резултати во изминатата година во намалувањето на криминалитетот и особено во делот на регулирањето на сообраќајот.

Спасовски им се заблагодари на граѓаните што придонеле за средување на сообраќајниот хаос кој постоел во општината и ги повика и понатаму да бидат партнери на македонската полиција.

Поврзани новости