СОНК бара да се формира работна група за генералниот штрајк

by Фокус

Раководството на СОНК бара итно да се формира работна група составена од по еден претставник од Министерството за труд и социјална политика, Министерството за образование и наука, Економско-социјалниот совет на национално ниво и Самостојниот синдикатот за образование, наука и култура, со цел да се утврди фактичката состојба околу сите случувања поврзани со генералниот штрајк на СОНК и за сегашните состојби во СОНК.

Како што велат од СОНК, задача на работната група би била врз основа на целокупната документација, која е официјално заведена по датум, број, потпис и печат од страна на легитимните органи на СОНК и доставена до ресорните министерства, со нивни печати за извршен прием на истите, да се утврди кога се доставени Барањата и целокупната документација, поради кои сега СОНК е во Генерален штрајк.

„На крајот предлагаме, или поточно кажано, ќе побараме, каков и да е наодот на работната група, истиот јавно да биде објавен со потписи на членовите од работната група“, се додава во денешното соопштение на СОНК.

Од синдикатот истакна дека имаат и уште едно барање.

„Бараме оваа овластена група да ја утврди и вистината околу тврдењата за висината на средствата кои пристигнуваат во Советот на СОНК и за кои овластен потписник е претседателот на СОНК, се со цел да се утврди кој ја кажува вистината – СОНК, одредени новинари или вљубеници во докажување на вистината по пат на читање на однапред напишани „вистини“, се вели во соопштението на СОНК.

Поврзани новости