Кривична пријава против Вучиќ за аферата со марихуаната

by fokus

Аферата што изминатите денови се поврзуваше со српските лидери ќе добие сосема нова димензија денеска со кривична пријава против претседателот на државата Александар Вучиќ и неговиот брат Андреј. Двајцата се наводно поврзани со плантажа за марихуана на фармата „Јовањица“ во Војводина, , на која заедно со органски зеленчук одгледувана е и марихуана. Пријавата во суд ќе ја поднесе неговиот политички сојузник за да помогне во расчистување на името на претседателот на државата, јавуваат српски медиуми.

Самиот Вучиќ објави за кривичната пријава против себе, велејќи дека ќе биде поднесена од потпретседателот на неговата владејачка Српската напредна партија (СНС) – градоначалникот на Нови Сад, Милош Вучевиќ, со цел да се открие вистината за „Јовањица“ со покренување истражен процес пред полицијата и обвинителството.

„Вучевиќ ќе поднесе обвиненија против мене и Андреј за Јовањица, за да бидеме сослушани и да се донесат заклучоци“, изјави Вучиќ во саботата, за време на презентацијата на руските хеликоптери на воениот аеродром Батајница, одговарајќи на обвинувањата на опозицијата дека уапсениот Колувија по полициската интервенција прво го повикал братот на Вучиќ, Андреј.

Тој наводен повик на Колувија до братот на претседателот беше официјално негиран на прес-конференција минатата недела од министерот за полиција, Небојша Стефановиќ, кој исто така е висок функционер на СНС, тврдејќи дека тој никогаш лично не го видел ниту го познава Колувија.

Аферата „Јовањица“ беше активирана, случајно, од страна на полициски службеник кој откри неовластена употреба на полициски ротациски светла и фалсификувана полициска карта на лице запрено за несоодветно возење на автопат.

Се испостави дека е Предраг Колувија, сопственик на фармата „Јовањица“, кој добил од државниот буџет субвенции за одгледување органска храна на таа фарма крај Стара Пазова, во Војводина.

Полицијата го уапси Колувија на 14 ноември и дополнително проверувајќи ја фармата откри култивирање на марихуана и лабораторија за дрога, 800 килограми сушен канабис.

Поврзани новости