Собранието ги изгласа новите членови на Антикорупциската комисија

by Фокус 18:11
18:11

На денешната седница, Собранието го изгласа новиот состав на Антикорупциската комисија, во чии редови останаа само двајца членовиот од стариот состав. Тоа се Сеиди Халили, дипломиран економист од Тетово и Фарије Алиу, дипломиран економист доктор на економски науки од Гостивар.

Новите членови се: Горан Миленков, адвокат од Скопје, Игор Тантуровски, дипломиран економист д-р на економски науки од Скопје, Најдо Спасевски, адвокат од Скопје, Сузана Таскова Аџикотарева, дипломиран правник магистер по казнено право од Скопје, Жаклина Данчевска, дипломиран правник, магистер по деловно право од Прилеп.

- Advertisements -

Независната пратеничка Љубица Буралиева праша која е оправданоста за постоењето на оваа комисија, кога таа ги премолчела и не постапила по најкрупните случаи во изминатиов период. Додаде дека има големо политичко влијание врз членовите на Антикоруциската комисја.

Пратеникот на ВМРО-ДПМНЕ, Зоран Илиевски, пак, реплицираше дека од кога ВМРО-ДПМНЕ е на власт од 2006 година има подобрување во справувањето со корупцијата.

Поврзани новости