Со „Жена од султана” како главна ѕвезда, Општина Чучер Сандево го најави Меморијалниот фудбалски турнир „Љубомир Рајчевски – Рајче“!

by fokus 11:41
11:41

Популарната пејачка Тијана Милентијевиќ, позната во регионот како „Жена од султана,, ќе биде главна музичка ѕвезда на Меморијалниот турнир во мал фудбал „Љубомир Рајчевски – Рајче” односно на големото финале кое ќе се одржи во недела во село Глуво.

Настанот е под покровителство на Општина Чучер Сандово и на жителите на Глуво, а организаторите го најавија како голем спортско – естраден спектакл.

-На 14. август 2022 година (недела) е закажана завршната вечер на која ќе се одигра големото финале, ќе бидат прогласени победниците и доделени наградите на шестнаесеттиот по ред Меморијален турнир во мал фудбал „Љубомир Рајчевски – Рајче“ кој се одржува во период од 15.07.2022 – 14.08.2022“ – порачуваат организаторите на фудбалскиот турнир, спортска манифестација која ја негува традицијата и преку спортот ги зближува и обединува граѓаните.

За тоа најдобар пример е општината Чучер Сандево, лоцирана на падините на Скопска Црна Гора, која иако мала по големина, покажува големо срце и огромно чувство за почитување и помагање востановената традиција да се одржи и продолжи.

Имено во село Глуво се одржува турнирот во чест на истоимениот долгогодишен фудбалер на ФК Вардар, легендарниот Љубомир Рајчевски – Рајче, чие потекло беше токму оттаму.

Настанот е под генерално покровителство токму на општината Чучер Сандево, како и од граѓаните на село Глуво. Организациониот одбор на турнирот ги охрабрува сите љубители на фудбалот да бидат дел од финалето на овој традиоционален спортски настан, а најдобрите и публиката ги очекува големи изненадувања и вредни награди.

Покрај спортскиот, оваа манифестација традиционално има и културно-естраден карактер, така што секој турнир завршува со естрадно-музички настан, односно концертен настап на познати естрадни ѕвезди од регионот.

Годинава по завршувањето на спортскиот дел на финалната вечер, организаторот како специјална гостинка најавува уште една мегапопуларна српска и регионална фолк ѕвезда, атрактивната пејачка Тијана Милентијевиќ попозната како „Жена од султана“, која ќе го увеличи големото финале и ќе ја забавува публиката со својот двочасовен концертен настап. Со ова се очекува завршната вечер на турнирот да се претвори во вистински спортско-естраден спектакл информираат од организацијата.

Вики Клинчарова

Поврзани новости