Снимките од дронот готови, остатоците од „Пејперот” на вештачење

by fokus 19:11
19:11

Снимките од дронот кој вчеравечер го снимаше местото на авионската несреќа кај селото Кожле ќе бидат предмет на анализа на јавните обвинители и стручните лица кои ги истражуваат причините за падот на италијанскиот  „Пејпер”.

Увидните екипи и денеска се на терен и ги подигаат остатоците од авионот кои вчера во текот на увидот биле означени и обезбедени. Тие ќе бидат пренесени на локација обезбедена од Основното јавно обвинителство, каде стручни лица ќе извршат неопходно вештачење.

Поради обемноста на материјалот и потребите на истрагата, подигањето и пренесување на материјалот ќе продолжи и во текот на утрешниот ден, велат од Јавното обвинителство.

Инаку, вчера во Институтот за судска медицина  беа пренесени телата на шестмината починати патници од авионот. По наредба на Јавен обвинител ќе биде спроведена постапка на нивна идентификација преку ДНА анализи.

Поврзани новости