Следува период на доста променливо, но потопло време – детали

by Fokus 07:45
07:45

До крајот на денов ќе имаме претежно облачно време, на повеќе места со повремени врнежи од дожд. Поинтензивни врнежи ќе има во јужните и во југоисточните предели од државава.

На планините врнежите ќе бидат од снег а ќе дува и слаб до умерен ветер претежно од источен правец. Максималната дневна температура на воздухот ќе се искачува во интервалот од 5 до 11 степени.

- Advertisements -
Banner Renault 300x250

Во Скопје и околината времето ќе биде претежно облачно а ќе има услови и за повремени врнежи од дожд. Ќе дува слаб до умерен ветер од источен правец, максималната дневна температура ќе се искачи до околу 9 степени.

Потоа во деновите од викендот, и тоа особено во недела ќе има повеќе сончеви периоди и ќе имаме постабилно време, иако не се исклучува можноста за слаби локални врнежи.

Максималните дневни температури, особено во недела и понеделник ќе бележат тенденција на позначителен пораст. Истите ќе се искачуваат во интервалот од 11 до 18 степени. Релативно постабилното време ќе се задржи и во понеделник.

Подготви: Славчо Попоски

Поврзани новости