Следниот викенд Трамп ќе одржи говор на конференција на Републиканската партија

by Fokus 08:20
08:20

Поранешниот американски претседател Доналд Трамп ќе одржи говор на Конференцијата за конзервативна политичка акција во Орландо, Флорида следниот викенд, јавија американските медиуми.

Трамп ќе зборува за иднината на Републиканската партија и конзервативното движење, според информиран извор. Конференцијата ќе се одржи од 25 до 28 февруари, а говорот на Трамп е закажан за последниот ден.

- Advertisements -

Покрај Трамп, на конференцијата ќе учествуваат и други претставници на претходната претседателска администрација и неговите политички сојузници, вклучувајќи го и поранешниот државен секретар, Мајк Помпео.

Поранешниот претседател на САД се држеше вон фокусот на јавноста од крајот на неговиот мандат, но даде интервју по повод смртта на конзервативниот радио водител Раш Лимбо.

Поврзани новости