Скопјанец прегазил велосипедист и избегал

Велосипедист во Скопје се здобил со тешки телесни повреди откако бил прегазен од автомобил со скопски регистарски таблички.

„Вчера во 20 часот на улица „Јордан Мијалков“ се случила сообраќајна незгода во која учествувавале патничко возило „пежо“ со скопски регистарски ознаки, управувано од Д.Д.(38) од Скопје, кој по незгодата го напуштил местото на настанот и велосипед, управуван од П.И.(45) од Скопје.

Во незгодата велосипедистот се здобил со тешки телесни повреди и бил пренесен во Комплексот клиники „Мајка Тереза“ за укажување на лекарска помош.

Извршен бил увид на местото на настанот од увидна екипа од СВР Скопје“, соопштуваат од МВР.