Скопјанец ограбил обложувалница со службеното возило на фирмата во која работел

by fokus 12:11
12:11

Против 27-годишен скопјанец е поднесен обвинителен акт за кривично дело „разбојништво“ затоа што на 10-ти септември годинава ограбил обложувалница на улицата „Благоја Стефковски“. При тоа 27-годишникот одзел 21.760 денари од касите на уплатно-исплатното место, 138.020 денари кои се наоѓале во ВЛТ апаратите, како и 24 исплатени тикети со вкупна сума од 55.283 денари.

Како што соопштија од Обвинителство, грабежот го сторил со службено возило на фирмата во која работел како дистрибутер.

- Advertisements -

„Дошол до спортска обложувалница на ул. „Благоја Стефковски“. Го паркирал возилото во непосредна близина на обложувалницата, со нож во раката влегол внатре и се заканил на еден вработен и на уште едно лице кое во тој момент се наоѓало во објектот. Откако го извршил разбојништвото, со возилото го напуштил местото и се упатил во правец на населбата Хиподром“, велат од таму.

Со Решение на судијата на претходна постапка од Основниот кривичен суд Скопје на обвинетиот му е определена мерка куќен притвор, а јавниот обвинител заедно со обвинителниот акт доставил и посебен предлог за продолжување на оваа мерка.

Поврзани новости