СЈО поднесе предлог за јавување еднаш неделно во Судот за осомничените во „Тендери“

Специјалното јавно обвинителство утринава информираше дека во текот на вчерашниот ден до Основниот суд Скопје 1 – Скопје, а во врска со истрагата во предметот „Тендери“ поднесен е предлог за определување на мерки за претпазливост за две осомничени лица.

СЈО бара осомничените лица да се јавуваат еднаш неделно – секој  вторник во 10:00 часот кај определено службено лице во Основниот суд Скопје 1 Скопје.

Воедно, за двете осомничени лица побарано е определување и на мерка претпазливост одземање на патна исправа, поради постоење на околности кои упатуваат на опасност од бегство.