Сите функционери на ДПМНЕ ќе донираат 30 посто од платата за семејствата во поплавените подрачја

Извршниот комитет на ВМРО-ДПМНЕ на синоќешната седница одлучи да се формира партиски солидарен фонд за помош на семејствата чии домови беа оштетени во елементарната непогода.

– Сите избрани и именувани функционери на партијата на државно и локално ниво, наредниот период ќе донираат еднократна помош од по 30 проценти од платите и надоместоците во солидарниот фонд, а по завршување на акцијата средствата ќе бидат префрлени за помош на оштетените сограѓани. Освен финансиската помош, договорено е да продолжат организираните активности на терен преку собирање донации на храна, вода, средства за хигиена и останата помош која им е најнеопходна на погодените – се наведува во партиското соопштение.