Синдикатот на МНР бара повлекување на економскиот промотор Ристиќ

by fokus

Синдикатот на македонската дипломатска служба во врска со кавгата меѓу економскиот промотор за САД, Оливер Ристиќ, претставник на Агенцијата за странски инвестиции на РМ и Обединетата македонска дијаспора (ОМД), констатираше дека и’ се прави голема штета како на Република Македонија, но и на организацијата ОМД.

-Тргнувајќи од тоа дека улогата на економскиот промотор на РМ во САД Оливер Ристиќ е, или барем би требало да биде строго лимитирана на привлекување странски инвестиции, извесно е дека под маската на „лично мислење“ пречекорени се не само узусите на една лична култура туку е злоупотребен контекстот на државен интерес за да се изрази очигледно повеќемесечна фрустрација на крајно несоодветен начин од кој е видливо дека Ристиќ не поминал ниту елементарна дипломатска обука, се вели во реакцијата на Синдикатот.

Синдикатот додава дека повлечување на Ристиќ и една недела пред завршувањето на неговиот мандат ќе значи дека државата води сметка за своето реноме , но тие не веруваат дека тоа ќе се случи.

Поврзани новости