Силна експлозија во зграда во Куманово

by Фокус 20:07
20:07

Попладнево околу 18 часот се случила силна детонација во една зграда во Куманово лоцирана на булеварот „Октомвриска револуција“. Од екипите на Брза помош и на ТППЕ Куманово соопштија дека во експлозијата нема жртви.

-Има повеќе оштетени станови, влезната врата на зградата, влезните врати на становите, а во два-три стана мебелот е оштетен. Не се знае причината од што е предизвикана детонација, односно експлозија, СВР Куманово и инспекторите  вршат увид. Тие се на лице место, изјави командирот на смена од ТППЕ Куманово, Марјан Гелевски.

Од СВР Куманово потврдија дека случајот е пријавен во 18:05 часот и оти во моментов увид вршат екипи на СВР Куманово и на Основното јавно обвинителство.

Поврзани новости