Силна експлозија во трговски центар во Ереван

Експлозија се случи во трговскиот центар „Сурмалу“ во Ереван, главен град на Ерменија, соопшти ерменското Министерство за вонредни ситуации.

Според првичните информации на Министерството, најмалку едно лице загина, а над 20 се повредени.

Локалните медиуми пишуваат дека се стравува дека голем број луѓе се затрупани по силната експлозија и дека бројот на настрадани само ќе се зголемува.

Портпаролката на Министерството за вонредни ситуации соопшти дека кон местото се упатени шест тимови на пожарникари и спасувачки служби.

На социјалните мрежи се објавуваат снимки кои укажуваат дека експлозијата се случила во трговски центар, по што избил пожар.