Шпанија ќе ги укинува забраните поради корона вирусот до крајот на годината

Шпанската влада планира да ги укине сегашните ограничувања поради корона вирусот во две фази, така што првата фаза ќе трае во текот на летото, а втората до крајот на годината, рече Јоланда Дијаз, министерка за труд и социјална економија.

-Ќе работиме во две фази. Во текот на летото ќе се осврнеме на секторот производство и работните места, а втората фаза ќе трае до крајот на годината. Укинувањето на мерките ќе оди постепено – рече Дијаз.