Шоуменот Слави Трифонов ќе ја формира новата бугарска влада, прогнозира професор Константинов

by fokus 14:48
14:48

Бугарија ќе има стабилна влада, поддржана од сите парламентарни сили во новиот 45-ти Парламент, формирана од второпласираната партија на парламентарните избори „Има таков народ“ на Слави Трифонов. Ова пред утринскиот блок на БНТ го прогнозира професорот Михаил Константинов, кој е шеф на државната агенција „Информативни услуги“ (која се занимава со пребројување на гласовите од одржаните избори во земјата).

Според него, таквата влада би можела да има многу сериозна поддршка, потсетувајќи на времето пред 1989 година, кога БКП беше единствената партија во Бугарија. Како што јави дописникот на МИА од Софија, според познатиот математичар и аналитичар, на Бугарија сега и треба стабилно управување бидејќи „земјата е во војна“, мислејќи на пандемијата на Ковид-19 и евентуалниот конфликт во Украина, кој не би бил мал за црноморскиот регион, во кој Бугарија е важен елемент.

- Advertisements -

Во однос на тоа дали во Бугарија ќе се одржат предвремени избори во текот на летото, професорот Константинов истакна дека тоа би претставувало „лудост и неодговорност“, додавајќи дека на Бугарија и е потребно стабилно раководство. Професорот Константинов предвидува можна војна во Украина, која нема да биде мала, за што Бугарија, како членка на НАТО, мора да биде подготвена.

Според него, бугарската изборна администрација работеше многу добро и беше категоричен дека она што било ставено во гласачките кутии на 4 април во Бугарија, токму тоа е преброено, до последниот глас. Во врска со машинското гласање во Бугарија, професорот Константинов коментира дека 27 отсто граѓани гласале на тој начин, како што беше случајот и пред две години, кога првпат беа користени за време на изборите за Европскиот парламенти.

Поврзани новости